Қўрқинчли фильмнинг қўрқинчли рекламаси: «Қўнғироқ» фильми қаҳрамони дўкондаги телевизордан «жонланиб чиқиб келди» (видео)

Paramount Pictures кинокомпанияси ўзининг YouTube’даги каналига Нью-Йоркдаги электроника дўконларининг бирида харидорлар билан қилинган ҳазил видеороликни жойлади, деб хабар беради TJournal.

Ҳазил видеоролик тез кунларда намойиш этилиши кутилаётган «Қўнғироқлар» (Rings)номли қўрқинчли фильмига ўхшатма тарзида ишланган.

Роликда дўконга ташриф буюрувчилар дўкон маслаҳатчиси билан суҳбатлашиб туради. Бу вақтда телевизор экранидан «Қўнғироқ» (фильм 2002 йилда экран юзини кўрган) фильми қаҳрамони бўлган Самара Морган қиёфасидаги қиз чиқиб келади. У сездирмасдан одамларга яқинлашади ва уларни қўрқитади. Дўконга телевизор хариди учун келган мижозлар эса «қўрқинчли ҳазил»нинг «қурбон»ига айланди.

Режиссёр Ф. Хавьер Гутьерреснинг  «Қўнғироқлар» қўрқинчли фильмининг бутунжаҳон премьераси 1 февралда бўлиб ўтади. Фильм режиссёр Гор Вербински томонидан 2002 йилда тасвирга олинган «Қўнғироқ» фильмининг давоми саналади.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.