Reddit фойдаланувчиларидан бири салонида 80 та лочинни олиб кетаётган самолёт сурати билан бўлишди, деб ёзади TJournal.
«Менинг капитан бўлиб ишлайдиган дўстим ушбу фотосуратни юборди. Саудия шаҳзодаси 80 та лочин учун чипта сотиб олди», — деб ёзди у.
Изоҳларда фойдаланувчилар бунча кўп йиртқич қуш қаерга отлангани юзасидан ўз тахминларини баён қилди. Кимдир шаҳзода лочинларни ўз хотинларига биттадан бўлиб беришини ёзган бўлса, яна кимдир ов вақтида шаҳзода улардан навбат билан фойдаланишини айтган.
Фотосуратда қирғийлар дастурхон тўшалган столларда ўтирганини ва хавфсизлик камарлари билан боғланмаганини кўриш мумкин.
Изоҳ (0)