Нигерияда, турли маълумотларга кўра, 86 дан 130 нафаргача хотини бўлган 93 ёшли Муҳаммад Белло Абубакр вафот этди, деб ёзади Daily Trust.
29 январь, якшанба куни кўп хотинлилиги билан танилган Беллони Нигериянинг марказий қисмида жойлашган Бида шаҳрида дафн этишди.
2008 йилда Беллонинг 86 нафар хотини бўлган, аммо ўшандан буён уларнинг сони 130 нафарга етган. Бироқ Vanguard нашри унинг 90 дан ортиқ рафиқаси бўлганини айтаётган бўлса, Independent маълумотларига кўра, умри давомида у 107 марта уйланган ва ўн марта ажрашган.
Маълумотларга кўра, Беллонинг 203 нафар фарзанди бор, тез орада уларнинг сони ортиши мумкин: унинг баъзи хотинлари ҳомиладор.
2008 йилда Муҳаммад Белло Абубакр мусулмонларга кўпи билан тўрт хотинли бўлишга рухсат берувчи шариат қонунларини бузганлиги учун ҳибсга олинган эди. Кейинроқ ундан айбловлар олиб ташланди ва у озод этилди.
Изоҳ (0)