2017 йил 28 январда Хитойда нишонланадиган Янги йилни уйида кутиб олишни жуда қаттиқ хоҳлаган Жичжао округида яшовчи хитойлик киши пул етишмаслиги сабаб уйига велосипедда йўлга чиқди, деб “Jenmin jibao” нашрига асосланиб, TJournal хабар берди.
У 1700 километр масофани босиб ўтиб, Цицикар шаҳрига етиб бориши лозим эди.
Хитойлик киши 500 километр масофани босиб ўтгач тескари томонга қараб кетаётганини тушунди. Саёҳатчини Аньхой провинциясида тўхтатган полиция ходимлари унинг ўзи режалаштирганидек шимолга эмас, балки мамлакатнинг жанубий томонига қараб кетаётганини айтган. Велосипедчи бу йўлни босиб ўтиш учун 30 кун сарфлаган. Автомобильда бу масофани 28 соатда босиб ўтиши мумкин эди.
У саёҳатининг бошида йўл белгиларидаги ёзувларни яхши тушунмаган ва йўловчилардан йўлни сўраган. Унга маълумот берган йўловчилар нотўғри йўналишни кўрсатган. Пул етишмаслиги сабабли, у интернет кафеларда тунаган ва кафе эгаларидан овқат сўраган. У йўлда музлаб қолмаслик учун узун яшил ёмғирпўшда бошини боғлаган ҳолда саёҳатга чиққан.
Велосипедчи билан гаплашган полиция ва ўтказиш пункти ходимлари унга уйига етиб олиши учун поезд чиптаси сотиб олиб берган. Mashable нашрининг ёзишича, Ой тақвими бўйича Янги йилни нишонлаш учун тахминан 282 миллион хитойлик бошқа мамлакатлардан ўз юртига қайтади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)