Линкольншир графлигидан бўлган британиялик Aldi's Lincoln дўконидан «харид қилган» телевизорини қайтариб, бунинг эвазига 330 фунт (410 доллардан ошиқ) олишга муваффақ бўлди. Бу ҳақда Meduza хабар бермоқда.
Графлик полициясига кўра, 2 январь куни эркак дўкон пештахтасида турган телевизорлардан бирини олиб, кассага боради. Кассирга харид қилган маҳсулотини қайтармоқчи эканлиги, бироқ унинг чеки йўқлигини маълум қилади.
Шундан кейин фирибгар дўкон менежери олдига бориб, у билан гаплашди ва қўл сиқишиб қўйди, кейин эса кассага қайтди. Кассир менежер операцияни маъқуллади деб ўйлаб, «мижоз»га 329,99 фунтни «қайтариб» берди. Эркак пулни олиб, дўконни тарк этди. Ҳозир фирибгарга нисбатан қидирув эълон қилинган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)