Ҳозирги вақтда Хоразм вилояти тиббиёт тизимига аҳолининг эътирози жуда катта, дори-дармоннинг нарх-навосидан одамлар норози. Бу ҳақда Ўзбекистон Президенти Шавкат Мирзиёев Урганчда бўлиб ўтган Хоразм вилояти фаоллари билан учрашув вақтида айтиб ўтди. Учрашувдан репортаж «Ўзбекистон» телеканали орқали намойиш этилди.
Шавкат Мирзиёевнинг сўзларига кўра, вилоятда катта ниятлар билан ташкил этилган 160 та қишлоқ врачлик пункти (ҚВП)нинг 86 таси ачинарли ҳолатда, улар мутлақо таъмирланмаган.
ҚВПларни энг узоқ қишлоқларда қолдирамиз. Ўша жойда врач учун уй-жой қуриб берамиз, ҚВПни 24 соат ишлайдиган қилиб берамиз. У ерда тиббиёт машинаси бўлади, дорихонаси бўлади. Хизмат уйи билан бирга, машинасини ҳам берамиз, 20 йиллик кредит билан. Агар врач ҚВПдаги ишдан кетса, бу имтиёзлар ҳам йўқ бўлади. Иккинчи бир яна энг катта нарса, энг катта топшириқ — ҚВПдаги шифокор чақалоқларнинг соғлом туғилиши бўйича патронаж қилсин, уйма-уй юрсин.Ўзбекистон Президентининг қайд этишича, Хоразм вилояти тиббиёт тизимида малакали мутахассислар етишмайди.Шавкат Мирзиёев, Ўзбекистон Президенти
Натижада вилоятда аҳолининг касалланиш даражаси бир йил ичида 6 фоизга ошган, оналар ўлими 13,5 промилледан 20,4 промиллега кўпайган. Вилоятдаги бундай салбий ҳолатларни бартараф этиш, соғлиқни сақлаш тизимини замонавий талаблар даражасида кўтариш учун қабул қилинган дастурда жами 124 миллиард сўмлик тадбирлар амалга оширилиши кўзда тутилган. Жумладан, 5 ёшгача болалар, ҳомиладор аёлларга 17,6 миллиард сўмлик бепул витамин-минерал комплекслари ажратилади.Вилоятдаги тиббий хизмат кўрсатиш сифатини ошириш мақсадида 19 та тез ёрдам станцияларининг моддий-техник базаси янада яхшиланади ва умумий амалиёт шифокорлари учун қишлоқ тиббий пунктларида уй-жойлар қурилади. Президентнинг таъкидлашича, 2017 йилнинг ўзида 1200 та тиббиёт машинасини сотиб олиш бўйича қарор қабул қилинган.Шавкат Мирзиёев, Ўзбекистон Президенти
Ўзбекистон Президентининг сўзларига кўра, Хоразмда 2017 йил сентябрига қадар Урганчдаги кардиология диспансери негизида Россиянинг Бакулев номидаги юрак-қон томир хирургияси маркази филиали, шунингдек, Россиянинг Павлов номли 1-сонли Санкт-Петербург давлат тиббиёт университети билан Тошкент тиббиёт академияси ҳамкорлигида эндокринология, отолорингология, гематология, аллергология, терапия йўналишлари бўйича кўп тармоқли клиника ташкил этилади.
Тасаввур қилинглар, ҳозир қанча одам Россияга бориб, қанчадан-қанча пулини ташлаб келяпти. Буларнинг қандай оворагарчилиги бор, уларни у ерда ким кутиб олади, даволанишдан сўнг ким унга қарайди? Бакулов номидаги марказ филиалини ташкил қилишга ҳамма шароитларни қиляпмиз ва Хоразмда бу албатта ташкил этилади. Нима учун Россиядан таклиф қилишга мажбурмиз? Иморат қуриб беришимиз мумкин, ускуна олиб келишимиз мумкин, аммо ким операция қилади, ким ўргатади, ким дарс беради? Шунинг учун Хоразмда шу йилнинг сентябригача, қанчалик қийин бўлмасин, қанчалик оғир бўлмасин, бу муассасаларни ташкил қиламиз.Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.Шавкат Мирзиёев, Ўзбекистон Президенти
Изоҳ (0)