«Ўзбекозиқовқатхолдинг» АЖ ва Беларуснинг «Белгоспишчепром» концерни ўртасида музокаралар натижасига кўра ҳамкорлик тўғрисидаги меморандум имзоланди. Бу ҳақда UzDaily хабар бермоқда.
«Белгоспишчепром» концерни раиси Александр Забелло ва «Коммунарка» фабрикаси директори Иван Данченко Тошкентда бўлиб, «Ўзбекозиқовқатхолдинг» АЖ раҳбарияти билан учрашди. Мулоқот давомида кондитер маҳсулотлари ишлаб чиқариш бўйича қўшма корхона ташкил этиш, «Ўзагроэкспорт» АЖ орқали ёнғоқ, майиз, қуритилган мевалар ва бошқа маҳсулотларни харид қилиш муҳокама этилди.
Ўзбекистон томони болалар озуқаси ишлаб чиқариш бўйича қувватларни ишга тушириш ва Беларусда савдо уйларини ташкил этишни таклиф қилди. Беларуслик меҳмонлар ташриф доирасида озиқ-овқат маҳсулотларини ишлаб чиқарувчи бир қатор корхоналарни ҳам кўздан кечирди.
Мавзуга доир: Беларуснинг «Коммунарка» кондитер фабрикаси вакиллари «Ангрен» МИЗда яратилган шароитлар билан танишди
Изоҳ (0)