АҚШ президенти Дональд Трампнинг 2017 йилда амалга ошиши режалаштирилган Бирлашган Қиролликка ташрифи унинг Британия тахти вориси Уэльс шаҳзодаси Чарльз билан кўришишни истамаслиги сабабли бекор қилиниши мумкин, деб ёзади «ТАСС».
The Sunday Times газетаси Британия ҳукуматидаги манбаларига таяниб маълум қилишича, зиддиятлар асосида Трамп ва Чарльзнинг иқлим ўзгаришлари муаммоси борасидаги қарашларида мавжуд бўлган фарқлар ётади.
Газета маълумотларига кўра, Трампнинг ёрдамчилари атроф-муҳит ҳимоячиси бўлган Чарльз учун Америка президентига ҳаёт ҳақида насиҳат бериш самарасиз бўлиши ва Трамп унга босим ўтказишса, портлаб кетиши мумкинлиги ҳақида огоҳлантирган. АҚШ маъмуриятидагилар Буюк Британияга ташрифи чоғида Трамп Чарльз билан эмас, балки унинг ўғиллари Уильям ва Гарри билан учрашишини истайди.
Лондондагилар эса давлат ташрифи формати вориснинг тадбирларда албатта иштирок этишини кўзда тутиши, акс ҳолда протокол жиддий бузилишини айтмоқда.
27 январь куни АҚШга ташрифи давомида Британия бош вазири Тереза Мей Трамп қиролича Елизавета II таклифига биноан 2017 йилда Буюк Британияга келишини маълум қилган эди. ОАВлар маълумотларига кўра, ташриф учун мувофиқ вақт сифатида июнь билан бирга октябрь ҳам кўриб чиқилмоқда.
Изоҳ (0)