Дональд Трамп маъмурияти Фаластин расмийларига Обама кабинети томонидан мухторият учун ажратилган 221 миллион доллар миқдоридаги ўтказмалар музлатилишини маълум қилди. Бу ҳақда The Times of Israel нашрига мухториятнинг юқори мартабали манбаси маълум қилди, дея хабар беради «ТАСС».
АҚШ томони Фаластин бош вазири Рами Ҳамдаллага яқин орада пуллар ўтказиб берилишини кутмаслик лозимлигини маълум қилган.
Давлат департаментига кўра, маблағ ажратилиши ҳақидаги қарор собиқ Давлат котиби Жон Керри томонидан ҳокимиятда бўлиб турган охирги дақиқаларда, Конгресс эътирозига қарамай қабул қилинган. Энди ушбу қарор Трамп маъмуриятининг устувор йўналишларини инобатга олиб, қайта кўриб чиқилади.
Маълумот учун, 2016 йили юқоридаги суммани ҳисобга олмаганда ҳам Фаластин мухториятига АҚШ ҳукумати томонидан 250 миллион доллар ажратилган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)