АҚШ собиқ президенти Барак Обаманинг катта қизи Малия Dakota Access нефть қувури қурилиши қайта тикланишига қарши ўтказилган норозилик намойишига қўшилди. Бу ҳақда «РИА Новости» хабар бермоқда.
Олдинроқ президент Дональд Трамп икки нефть қувури — Keystone ва Dakota Access қурилиши лойиҳасини тиклаш ҳақидаги фармонни имзолаганди.
Шимолий ва Жанубий Дакота, Айова ва Иллинойс ҳудудидан ўтувчи Dakota Access қурилишига қарши чиқаётган фаоллар мазкур лойиҳа ичимлик суви сифатига салбий таъсир кўрсатиши ва «ҳиндуларнинг муқаддас ерлари таҳқирланиши»га олиб келишидан хавфсирамоқда. Ўтган йил декабрида АҚШ расмийлари норозилик намойишлари қатнашчилари фикрига қўшилган ва қувур йўналишини қайта кўриб чиқишга рози бўлганди.
Маълумот учун, Малия Обама 18 ёшда бўлиб, бу йил Гарвард университетига киришга тайёргарлик кўрмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)