Қоҳира аэропортида Трампнинг фармони сабаб Ироқ ва Яман фуқаролари Нью-Йоркка учадиган самолётга чиқарилмади

Қоҳира аэропортида Ироқнинг беш фуқаросига, шунингдек, бир яманликка АҚШга учиб кетаётган самолёт бортига чиқишга рухсат берилмади. Бу ҳақда, аэропортдаги манбаларга асосланиб, Reuters агентлиги хабар бермоқда.

Хабар беришларича, аэропортдаги бу ҳодиса АҚШ президенти Дональд Трамп томонидан асосан мусулмонлар истиқомат қилувчи етти мамлакат, жумладан, Ироқ ва Яман фуқароларининг АҚШга киришини тақиқлаш тўғрисидаги фармон имзоланганидан сўнг юз берган.

Қайд этишларича, бу йўловчилар Қоҳира аэропортидан АҚШга учадиган самолётга чиқиши керак бўлган, бироқ, уларнинг ҳақиқий ва қонуний визаси бўлишига қарамай, бу яманлик ва ироқликлар ўз ватанига қайтариб юборилган.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.