БМТ қочоқлар иши бўйича олий комиссари бошқармаси ва Халқаро миграция ташкилоти АҚШ президенти Дональд Трампни муҳожирларга бошпана беришни давом эттиришга чақирди. Бу ҳақда «Коммерсант.ru» хабар бермоқда.
«АҚШнинг муҳожирларга нисбатан кўп йиллик сиёсати икки томон учун ҳам фойдали эди. Мазкур сиёсат дунёдаги энг ожиз инсонлар ҳаётини қутқарар, улар эса даромад олишни бошлаб, жамиятни мустаҳкамларди. Дини, ирқи ва миллатидан қатъий назар барча қочоқлар бир хилда ҳимоя ва ёрдамга муносиб эканлигига ишончимиз комил», — дейилади ташкилотларнинг қўшма баёнотида.
БМТ АҚШ ҳукумати билан муҳожирлар масаласида ҳамкорликни давом эттиришга тайёрлигини билдирди.
Дональд Трамп 27 январь, жума куни мамлакатга қочоқлар қабул қилишни 120 кунга тўхтатадиган, суриялик қочоқлар жойлаштирилишини номаълум муддатгача ман этадиган ва АҚШга кириб келиш қоидаларини мустаҳкамлайдиган фармонни имзолаган эди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)