Эрон Ташқи ишлар вазирлиги АҚШ президенти Дональд Трамп томонидан имзоланган ва, жумладан, Эрон фуқароларига қарши қаратилган фармонга нисбатан жавоб чоралари кўрилишини маълум қилди.
«Коммерсантъ»нинг Эрон ТИВ баёнотига асосланиб ёзишича, энди Эронга америкаликларнинг кириши тақиқланади.
«Эрон ҳукумати АҚШнинг таҳқирловчи ҳаракатларига нисбатан жавоб чораларини кўради. Бу чоралар Америка томонидан жорий этилган чекловлар бекор қилингунига қадар амалда бўлади», — дейилади Эрон ТИВ баёнотида.
Аввалроқ АҚШ президенти Дональд Трамп қочоқларни қабул қилиш дастурини тўхтатиш дастурини 120 кунга тўхтатиш ҳақидаги фармонни имзолаган эди. Ҳужжатга кўра, Эрондан ташқари Ироқ, Сурия, Ливия, Сомали, Яман ва Судан фуқароларининг АҚШга киришига нисбатан тақиқ жорий этилган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)