«Олтин малина» мукофоти ташкилотчилари мукофотнинг 2017 йилги номинантлари номини эълон қилди. Номинациялар сони бўйича (9 та номинация) режиссёр Бен Стиллернинг «Намунали эркак 2» фильми етакчиликни қўлга олган. Бу ҳақда The Hollywood Reporter’га асосланиб, «Aфиша Daily» хабар берди.
Зак Снайдернинг «Бэтмен Суперменга қарши: Адолат тонгида» фильми саккизта номинация, шу жумладан, «Энг ёмон фильм» ва «Энг ёмон актёр» йўналишларида номзод сифатида кўрсатилди. «Олтин малина»нинг асосий мукофотига шунингдек, «Енгил табиатли бобо», «Миср худолари» ва «Мустақиллик куни: Қайта туғилиш» фильмлари ҳам даъвогарлик қилмоқда.
2016 йилда «Олтин малина»нинг асосий мукофоти бирданига иккита фильм – «Кулрангнинг эллик хил жилоси» ва «Фантастик тўртлик» фильмларига берилган эди.
2017 йилда «Олтин малина» 37-марта ўтказилади. Киноматографиядаги энг ёмон натижалар учун бериладиган ушбу мукофот 1980 йилда Жон Уилсон томонидан ташкил қилинган.
«Раззи» («Олтин малина»нинг иккинчи номи) мукофоти соҳиблари 25 февралда, «Оскар» мукофотини топшириш маросимидан бир кун олдин эьлон қилинади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)