«Терминатор»нинг илк икки фильми, шунингдек, «Титаник» ва «Аватар» режиссёри Жеймс Кэмерон киборг ҳақидаги франшизага бўлган ҳуқуқлар унга яна қайтадиган 2019 йилдан кейин «Терминатор»нинг келгуси қисми устида ишлаш ниятида. Бу ҳақда TJournal хабар бермоқда.
Кэмерон янги фильмда Дэвид Эллисон билан биргаликда продюсерликни ўз зиммасига олади. Эллисон «Терминатор: Генезис» (бешинчи фильм) картинасини яратган ва фильм ҳуқуқларига ҳам эгалик қилади. Режиссёрлик вазифасига махсус эффектлар устаси, 2016 йилда хитга айланган «Дэдпул» фильми постановкачиси Тим Миллер таклиф этилди.
Олтинчи «Терминатор»ни суратга олиш жараёни айнан қачон бошланиши маълум эмас, чунки ҳозирда Кэмерон «Аватар» фильмининг янги қисмлари устидаги ишлар билан банд.
Бош ролни Арнольд Шварценеггер ўйнаган «Терминатор» фильмининг биринчи қисми 1984 йилда экранларга чиққан эди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)