Тез орада Ўзбекистонда футболга ихтисослашган янги телеканал иш бошлайди, деб хабар берди «Stadion.uz» нашри.
Телеканал раҳбарияти фаолиятни бошлаш учун зарур бўлган лицензия ва рухсатномаларни тегишли идоралардан олиб бўлгани айтилган бўлиб, айни вақтда телеканалнинг техник ишлари давом этаётгани қайд қилинган.
«Футбол-ТВ» канали катта эҳтимол билан UzReport қошида ташкил топади. Сир эмаски, UzReport Англия Премьер-лигаси, Испания Ла лигаси, Европа чемпионлар лигаси ўйинларини трансляция қилиш ҳуқуқини қўлга киритган. Телеканал ёзда Евро—2016 мусобақасининг телетрансляция ҳуқуқини ҳам сотиб олганди.
Изоҳ (0)