18 январь куни Маданият ва спорт ишлари вазири Баҳодир Аҳмедов шахсий ва жамоавий масалалар билан мурожаат этган бир неча фуқарони қабул қилди. Бу ҳақда Ўзбекистон Республикаси Маданият ва спорт ишлари вазирлиги матбуот хизмати хабар бермоқда.
Дастлабки мулоқот Эркин Комилов, Шуҳрат Ризаев ва Олимжон Салимов билан бўлди.
Театрда такрорланмас образларни яратиб, театр ва кино санъати мухлислари меҳрини қозонган, Ўзбекистон Миллий академик драма театри актёри, Ўзбекистон халқ артисти Эркин Комилов, ўзбек адабиёти, театр ва кино санъати масалаларига доир кўплаб монография, рисола ва илмий мақолалар чоп этган адабиётшунос олим Шуҳрат Ризаев, Ўзбекистон Миллий академия драма театрининг режиссёри Олимжон Салимов республика театрларида мумтоз асарларга кўпроқ эътибор қаратиш, ижро этилаётган ва режалаштирилаётган тарихий мавзудаги асарларни янада такомиллаштириш таклифини илгари сурди.
Вазир мурожаатчиларнинг талаб ва таклифларини қабул қилар экан, инобатга олишини, режаларнинг ижобати учун барча бирдек меҳнат қилишини таъкидлади.
Ўзбекистон халқ артисти Теша Мўминов вазир билан учрашувда нафақат ўз ижодий фаолияти, балки театрларда турли-туман роллар ижро этаётган ғайратли ёшлар, тажрибали устозлар ҳақида сўз юритди. Ўз ўрнида театр соҳасида амалга оширилаётган ижобий ўзгаришларга ҳавас қилган ҳолда шу йўлда фидокорона иш олиб бораётганларнинг меҳнатига яраша рағбатлантириш мақсадга мувофиқ бўлиш таклифларини баён этди. Бунга жавобан вазир ҳеч кимнинг меҳнати рағбатсиз қолмаслиги ва бу таклифлар ҳам инобатга олинишини таъкидлади.
Фуқаро Муроджон Сагдиев анча йилдан буён спорт соҳасида ишлаган. Унинг иш сўраб қилган мурожаати бўйича вазир тегишли бошқарма бошлиғига топшириқлар берди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)