Амирлик йиғинида бўлиб турган футбол бўйича Ўзбекистон миллий терма жамоаси Дания U23 термасига қарши ўртоқлик ўйинида майдонга тушди ва 1:2 ҳисобида имкониятни бой берди. Бу ҳақда ЎФФ матбуот хизмати хабар берди.
Учрашув Дубайдаги The Sevens аренасида ўтди. Самвел Бабаян бошчилик қиладиган жамоа ўз одатига кўра кўк рангли либосда ҳаракат қилди, бироқ бу ҳолат ғалаба учун камлик қилди. Иккинчи бўлимга келиб ҳисоб Жамшид Искандеров томонидан очилган бўлса-да, беллашув якунига 10 дақиқа вақт қолганида европалик футболчилар 2 та гол уришга муваффақ бўлди.
Маълумот учун, ФИФА кунлари эмаслиги сабаб Самвел Бабаян Амирлик йиғинига легионер футболчиларни жалб қила олмаганди. Шунингдек, Сервер Жепаров ва Темурхўжа Абдухолиқов хориж клублари билан шартнома имзолагани учун БАА йиғинига ташриф буюра олмади.
23 январь куни Ўзбекистон терма жамоаси Грузияга қарши ўртоқлик ўйинида иштирок этади.
Ўртоқлик ўйини Дубай, БАА 22 январь, якшанба
Ўзбекистон — Дания U23 1:2
Гол: Жамшид Искандеров.Ўзбекистон: Игнатий Нестеров, Шуҳрат Муҳаммадиев, Владимир Козак, Рустам Ашурматов, Александр Мерзляков, Саломат Қутибоев, Акбар Исматуллаев, Достон Ҳамдамов, Сардор Мирзаев, Жалолиддин Машарипов, Шоҳруз Норхонов.
Изоҳ (0)