Германия канцлери Ангела Меркель АҚШ янги президенти Дональд Трампнинг маъмурияти билан муроса йўлини топиш ниятида эканлигини маълум қилди. Бу ҳақда «РБК» хабар бермоқда.
Гап биринчи навбатда ҳарбий харажатлар ва савдо ҳамкорлиги ҳақида кетмоқда. Меркелга кўра, Трамп инаугурация маросимидаги нутқида ўз нуқтаи назарини аниқ-тиниқ билдирди.
«Халқаро иқтисодиёт ва савдо масалаларида қоидалар, умумий қадриятлар асосида ҳамкорлик қилсак, шунингдек, ҳарбий альянсларга ҳисса қўшсак, бу биз учун фақат фойда бўлади, деб ўйлайман. Ҳатто қарашларимиз турлича бўлса-да, фикрларимизни ўзаро ҳурмат асосида алмашсак, муроса ва ечим йўлини топамиз», — дея таъкидлади Меркель.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)