Италия марказида юз берган қор кўчкиси жойида олиб борилаётган қидирув-қутқарув операцияси давомида тўққиз киши қутқариб олинди. Meduza’нинг хабар беришича, 21 январга келиб 11 киши қутқарилган, улардан икки нафари вайроналар остида қолмаган эди.
Бундан ташқари, қутқарувчилар ҳалок бўлган беш кишининг жасадини ҳам топган.
Тахминан яна 15 кишининг тақдири мавҳумлигича қолмоқда, қутқарув операцияси давом этмоқда. Кўчки оқибатида вайрон бўлган меҳмонхонада тахминан 30 киши бўлган.
18 январь куни юз берган кучли ерости силкинишлари оқибатида Италиянинг марказий қисмида қор кўчкиси юз берди. Қутқарувчилар кўчки остида қолган Ригопиано меҳмонхонасига эртасига эрталаб етиб келган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)