Italiya markazida yuz bergan qor ko‘chkisi joyida olib borilayotgan qidiruv-qutqaruv operatsiyasi davomida to‘qqiz kishi qutqarib olindi. Meduza’ning xabar berishicha, 21-yanvarga kelib 11 kishi qutqarilgan, ulardan ikki nafari vayronalar ostida qolmagan edi.
Bundan tashqari, qutqaruvchilar halok bo‘lgan besh kishining jasadini ham topgan.
Taxminan yana 15 kishining taqdiri mavhumligicha qolmoqda, qutqaruv operatsiyasi davom etmoqda. Ko‘chki oqibatida vayron bo‘lgan mehmonxonada taxminan 30 kishi bo‘lgan.
18-yanvar kuni yuz bergan kuchli yerosti silkinishlari oqibatida Italiyaning markaziy qismida qor ko‘chkisi yuz berdi. Qutqaruvchilar ko‘chki ostida qolgan Rigopiano mehmonxonasiga ertasiga ertalab yetib kelgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)