Туркия парламенти мамлакатда бошқарувнинг президентлик шаклини жорий этишни кўзда тутувчи Конституцияга якуний тузатишларни маъқуллади. Бу ҳақда «РБК» хабар бермоқда.
Anadolu агентлигига кўра, кўриб чиқилган якуний моддалар йиллик бюджет, вазирлар кенгашининг «четлатилиши», президентлик ва парламентлик сайловлари ҳақидаги, шунингдек, президентга сиёсий партиялар билан алоқаларини сақлаб қолишга оид қоидалардан иборат бўлган.
Тузатишларни 448 депутатдан 339 нафари қўллаб-қувватлади. Унинг натижаларини ҳукмрон Адолат ва тараққиёт партияси вакиллари тик туриб олқишлади. Тузатишлар айнан улар томонидан тайёрланган ва парламентга киритилганди.
Энди 18 моддадан иборат ҳужжат президент Ражаб Тоййиб Эрдўғон томонидан имзоланганидан сўнг референдумга қўйилади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)