Ўзбекистон Касаба уюшмалари Федерациясида Халқаро меҳнат ташкилоти вакиллари билан учрашув бўлиб ўтди. Бу ҳақда «Дарё»га Федерация матбуот хизмати маълум қилди.
Учрашувда Федерация раиси Қудратилла Рафиков муносиб меҳнат тамойилларини илгари суришда Ўзбекистонга берилаётган кўмак учун ХМТга миннатдорлик билдирди. Ўзбекистон ва ХМТ ўртасидаги муносиб меҳнат бўйича мамлакат дастурининг муҳим аҳамиятини қайд этди.
Ушбу дастур доирасида халқаро ташкилот конвенцияларини имплементация қилиш, ижтимоий шерикликни мустаҳкамлаш, касаба уюшмалари салоҳиятини мустаҳкамлаш бўйича тизимли ишлар олиб борилди. Хусусан, 2016 йилда ХМТнинг бирлашмалар эркинлиги ва касаба уюшмаларига бирлашиш ҳуқуқини ҳимоя қилиш тўғрисидаги 87-сонли Конвенциясини ратификация қилинди.
Делегация аъзоларига меҳнат соҳасидаги стандартларга амал қилиш борасида мамлакатда олиб борилаётган чоралар ҳақида маълумот берилди.
Муносиб меҳнат бўйича мамлакат дастури бош техник маслаҳатчиси А. Хаузен Ўзбекистон касаба уюшмалари Федерациясига амалий ҳамкорлик учун миннатдорлик билдирди. Мазкур ҳамкорлик ўзаро англашинув ҳақидаги янги меморандум имзоланиши ва жорий мамлакат дастурининг 2020 йилгача узайтирилганида ўз аксини топганини таъкидлаб ўтди.
Томонлар турли лойиҳаларни амалга оширишни давом эттириш, ўтказиладиган тадбирларда томонларнинг вакиллари иштироки тўғрисида келишиб олди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)