Ўзбекистоннинг биринчи ракеткаси, жаҳон рейтингида 117-поғонада бораётган Денис Истомин «Катта дубулға» туркумидаги Australian Open–2017 турнири иккинчи даврасида дунёнинг 2-ракеткаси – сербиялик Новак Жоковичга қарши кортга чиқиб, қарийб 5 соат давом этган беллашувда сенсацион ғалабани қўлга киритди.
Ўзбекистонлик теннисчининг мазкур мусобақанинг амалдаги чемпиони устидан эришилган ғалабаси халқаро нашрларнинг эътиборига тушди. 30 ёшли спортчи битта ғалаба билан Twitter’нинг жаҳон трендига ҳам чиқди.
Денис Истоминга 97 минг АҚШ доллари тақдим этган беллашувдан фотогалерея
Денис Истомин жаҳоннинг 2-ракеткаси Новак Жоковични қандай таслим қилди? (видео)
Теннисчилар фаолияти давомида 2 марта ўзаро тўқнаш келган бўлиб, ҳар икки сафар Каррено Бустанинг қўли баланд келган. Истомин ва Буста ўртасидаги учрашув эртага, 21 январь куни Тошкент вақти билан эрталаб 9:30 да старт олиши режалаштирилган.
Учинчи даврага етиб келиб, 97 минг долларни нақд қилган ўзбекистонлик теннисчи навбатдаги ўйинда муваффақиятга эришса, жами 165 минг доллар мукофот пули ишлаб олади.
Денис Истоминнинг Australian Open’да қайд этган энг яхши натижаси 2010 ва 2014 йилларга тоғри келган бўлиб, ҳар икки сафар ўзбекистонлик теннисчи учинчи даврагача етиб борганди. Эътиборлиси, ҳар икки сафар ҳам у Новак Жоковичга мағлуб бўлганди.
[playbuzz-item playbuzz_url="https://www.playbuzz.com/muhrima10/denis-istomin-australian-open-2017-tennis-turnirining-3-bosqichidan-o-ta-oladimi"]
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)