Каталониянинг «Барселона» клуби Испания кубоги ярим финали учун биринчи қадамни ташлади. Чорак финалнинг дастлабки учрашувини Сан-Себастьянда ўтказган Луис Энрике жамоаси минимал ҳисобда зафар қучди.
Учрашувда ҳисоб 21-дақиқага келиб Неймарнинг голи билан очилди ва бу гол учрашувда ягоналигини сақлаб қолди. Белгиланган пенальтини аниқ амалга оширган бразилиялик футболчи, «Барселона»нинг 2007 йилдан буён давом этиб келаётган қора анъанасига якун ясаб берди.
«Барселона» 2007 йилдан буён «Реал Сосьедад»ни сафар ўйинларида мағлуб эта олмасди. Томонларнинг шу мавсум Ла лига доирасида бўлиб ўтган ўйинида ҳам 1:1 ҳисоби қайд этилганди.
Мадриднинг «Атлетико» клуби ярим финал масаласини деярли ҳал қилди. Ўз майдонида «Эйбар»ни қабул қилган Диего Симеоне жамоаси 3:0 ҳисобида зафар қучди. Бир кун муқаддам Мадриднинг бошқа бир клуби «Реал» ўз майдорида «Сельта»га имкониятни бой бериб қўйганди.
Испания кубоги 1/4 финал 19 январь, пайшанба
Изоҳ (0)