La Liga. “Real Sosyedad”ni mag‘lub eta olmagan “Barselona” Madridning “Real”idan 6 ochko ortda qolishni boshladi (video)

Futbol bo‘yicha Ispaniya La Ligasining 13-turiga kelib Kataloniyaning “Barselona” klubi azaliy raqibi “Real”dan 6 ochko ortda qolishni boshladi. Shanba oqshomida Madrid klubi Krishtianuning dubli evaziga qiyin g‘alabani qo‘lga kiritgan bo‘lsa, yakshanba kuni Luis Enrike boshqaruvidagi “Barselona” San-Sebastyan shahrida 2 ochko yo‘qotdi.

“Barsa”ni mag‘lubiyatdan qutqarib qolgan golga Lionel Messi mualliflik qildi va La Liganing shu mavsumidagi gollari sonini 9 taga yetkazib oldi. Unga raqobatchilik qiladigan Krishtianu Ronaldu hisobida 10 ta aniq zarba bor.

Mazkur turda, shuningdek, Madridning “Atletiko” klubi ham yirik g‘alabani qo‘lga kiritdi va kuchli to‘rtlikka kirib oldi.

Ispaniya La Ligasi 13-tur bellashuvlari 27-noyabr, yakshanba

“Vilyarreal” — “Alaves” 0:2

Gollar: Ibai Gomes, 8 (0:1). Viktor Kamarasa, 17 (0:2).

“Osasuna” — “Atletiko” 0:3

Gollar: Diyego Godin, 36 (0:1). Kevin Gameyro, 37 (0:2). Yannik Karrasko, 90 (0:3).Noaniq penalti: Roberto Torres, 14 (O).

“Selta” — “Granada” 3:1

Gollar: Yago Aspas, 23 (1:0). Teo Bongonda, 39 (2:0). Artyom Kravets, 87 (2:1). Pape Diop, 90+3 (3:1).

“Real Sosyedad” — “Barselona” 1:1

Gollar: Villian, 53 (1:0). Lionel Messi, 59 (1:1).

28-noyabr, dushanba“Las-Palmas” — “Atletik”