Лас-Вегасдан ўзининг Tesla Model S маркали электромобилида Ред Рок Каньон парки томон йўл олган тадбрикор Райан Негри машинаси калити уйида қолиб кетганлиги учун Мохаве саҳросида ноқулай ҳолатга тушиб қолди. Райан машинасини мобил дастур ёрдамида ўт олдириб йўлга чиқди. Йўлда тўхтагач эса уяли алоқа сигнали йўқлиги туфайли саёҳатини давом эттира олмади, деб хабар берди TJournal.
Негрининг Instagram саҳифасида қолдирган хабарига кўра, у паркка тоғ қияликларидаги қорларни суратга тушириш мақсадида йўл олган. Муносиб жойни топгач, бир нечта сурат олиш учун машинадан тушади. Орадан кўп ўтмай Негри уяли алоқа сигнали йўқлигини билди ва энди Tesla’ни ўт олдириб бўлмаслигни ҳам тушунди.
Тадбиркорнинг рафиқаси Эми алоқа учун сигнал мавжуд жойни топиб, дўстларига қўнғироқ қилиш ва машинанинг калитини олиб келишни илтимос қилиши учун 3 километрдан ортиқ масофани пиёда босиб ўтишга мажбур бўлди.
Эми Негрининг Mashable’га ҳикоя қилишича, у мобил дастурнинг алоқа сигналисиз ишламаслигидан хабардор бўлган, бироқ бу ёдидан кўтарилиб кетган.
Тадбиркор ўз айби билан ноқулай вазиятга тушиб қолганлигини айтиб, Tesla ишлаб чиқарувчиларига элетромобилларни алоқа сигнали бўлмаган тақдирда ҳам махсус пароль ёрдамида ўт олдириш имкониятини қўшиш керак, деб мурожаат қилди.
Бўлиб ўтган воқеалардан сўнг, Негри ўзининг Instagram саҳифасига табиат қўйнида олинган бир нечта суратларини жойлади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)