АҚШ раҳбарлигидаги халқаро коалициянинг Мосул шаҳри (Ироқ) яқинидаги ҳаракатлари туфайли, ИШИД жангарилари «деярли қаршиликсиз» қурол-яроғ, портловчи қурилмалар ва қўшинларни Пальмира томонига кўчириб ўтказмоқда. Бу ҳақда журналистларга Россия Қуролли кучлари Бош штаби Бош тезкор бошқармаси бошлиғи генерал-лейтенант Сергей Рудской маълум қилди, деб ёзади «ТАСС».
«АҚШ раҳбарлигидаги коалиция гуруҳининг Мосул шаҳри яқинидаги ҳаракатлари кўп жиҳатдан ИШИД кучларининг Сурия шарқий қисмига сиқиб чиқарилишига олиб келди, улар деярли қаршиликсиз қурол-яроғ, портловчи қурилмалар ва ўз кучларини Пальмира, Диёр-Аз-Зор, шунингдек, Туркия билан чегарадош Эл Баб шаҳрига кўчирмоқда», — деди у.
Рудскойнинг сўзларига кўра, жангарилар Пальмирадаги тарихий-маданий ёдгорликларни йўқ қилиш мақсадида ушбу шаҳардаги портловчи қурилмалар миқдорини кўпайтирган.
Айни пайтда Пальмира ҳудудида ҳукумат қўшинлари Россия ҳарбий-космик кучлари кўмагида ИШИД жангариларига қарши ҳужум ҳаракатларини олиб бормоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)