Yaqinda hokimlar va hokimliklarning barcha xodimlari ish haqini ularning mehnat stajidan kelib chiqqan holda oshirish bo‘yicha qaror qabul qilindi. Bu haqda O‘zbekiston Prezidenti Shavkat Mirziyoyev mamlakatni 2016-yilda ijtimoiy-iqtisodiy rivojlantirishning asosiy yakunlari va 2017-yilga mo‘ljallangan iqtisodiy dasturning eng muhim ustuvor yo‘nalishlariga bag‘ishlangan Vazirlar Mahkamasining kengaytirilgan majlisida ma’lum qildi. Ma’ruza matnini O‘zA e’lon qildi.
Shuningdek, tuzilmaga qo‘shimcha ravishda quyidagilar kiritildi. Barcha viloyat, shahar va tuman hokimliklarida hokimning iqtisodiy islohotlar va tadbirkorlik masalalari bo‘yicha birinchi o‘rinbosari, shuningdek, yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimlari joriy etildi.
Bundan tashqari, axborot-tahlil guruhlari kuchaytirildi. Chegaraga yaqin 80 ta tumanda hokimning maxsus yordamchisi lavozimi kiritildi. Jami 739 ta qo‘shimcha shtat tashkil etildi.
“O‘ylaymanki, endi barcha bo‘g‘indagi hokimlarning xodimlar soni yetishmasligi to‘g‘risida shikoyat qilishi uchun obyektiv asos yo‘q. Endi ushbu lavozimlarga samarali ishni ta’minlaydigan, munosib kadrlarni tanlash bo‘yicha oldimizda muhim vazifa turibdi”, — dedi Prezident.
Izoh (0)