Akmalxon Ortiqov Namangan viloyati hokimining iqtisodiy islohotlar va tadbirkorlik masalalari bo‘yicha birinchi o‘rinbosari etib tayinlandi. Bu haqda viloyat hokimligi saytida ma’lum qilindi.
A. Ortiqov 1980-yilda Namangan viloyatining Chortoq tumanida tug‘ilgan. Toshkent davlat iqtisodiyot universiteti va O‘zbekiston Respublikasi Prezidenti huzuridagi Davlat va jamiyat qurilishi akademiyasi qoshidagi Oliy biznes maktabini tamomlagan.
2001—2013-yillarda O‘zbekiston Respublikasi moliya vazirligi tizimida, 2013—2015-yillarda Namangan viloyat hokimligi moliya boshqarmasi, 2015—2017-yillarda Farg‘ona viloyati hokimligi moliya boshqarmasi boshlig‘i lavozimlarida faoliyat yuritib kelgan.
Eslatib o‘tamiz, oldinroq viloyat, shahar va tuman hokimliklarida hokimning iqtisodiy islohotlar va tadbirkorlik masalalari bo‘yicha birinchi o‘rinbosari, shuningdek, yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimlari joriy etilgani haqida xabar berilgandi.
Izoh (0)