Boeing 747 юк самолёти қулаган Бишкек остидаги қишлоқда жойлашган уйларнинг ярми фожиа оқибатида вайрон бўлди. Бу ҳақда Қирғизистон фавқулодда вазиятлар вазири Қубатбек Боронов маълум қилди, деб хабар беради «РИА Новости».
«Охирги маълумотлар мана бунақа: 32 қурбоннинг таналари, уларнинг танаси қолдиқлари топилди. Ҳозир қидирув ишлари давом этмоқда, кечгача барчасини тугатсак керак. Қулаган самолёт жами 17 уйни вайрон қилди. 23 та уй зарар кўрди, шулардан 17 таси бутунлай вайрон бўлди», — деди у Sputnik радиосига берган интервьюсида.
Қишлоқда жами 43 дала ҳовли жойлашган эди.
Охирги маълумотларга қараганда, қурбонлар сони 35 кишига етди.
Изоҳ (0)