Янги зеландиялик Алан Лэнгдон ўзининг олти яшар қизи Кей билан қарийб бир ой давомида очиқ денгизда ўзининг олти метрли бузилган қайиғида қолиб кетди ва Тасман денгизини кесиб ўтиб, Австралияга етиб келишга муваффақ бўлди. Бу ҳақида RNZ’га таяниб TJournal хабар берган.
Лэнгдон ва унинг қизи Янги Зеландиядаги Кохия портидан 17 декабрь куни йўлга чиқган. Унинг айтишига кўра, у мамлакатнинг шимоли-шарқида жойлашган Бей-оф-Айлендс бўғозигача боришни режалаштирган, бироқ саёҳат бошланганидан кўп ўтмай довул бошланган ва катамаран рулларидан бири синиб кетган ҳамда уни бошқариб бўлмай қолган.
Лэнгдон қуруқлик билан алоқага чиқа олмаган, шунинг учун саёҳат бошланганидан тўрт кун ўтиб қизчанинг онаси, Лэнгдондан алоҳида яшовчи Ариана Вайлер уларнинг йўқолганини маълум қилган. Шундан сўнг расмийлар катамаранни қидиришни бошлаган ва бу ҳақида Интерполни хабардор қилган. Бу вақтгача ота ўз қизи билан 2600 километр масофани босиб ўтганди.
Қайиқни Австралия томонга йўналтириш фикри Лэнгдонга Янги йилни қизи билан қайиқда нишонлагандан сўнг келган.
Австралия қирғоқларига етиб боришимизни ва ичимлик сувимиз етарлилигини билардим. Гап фақат вақт масаласида эди ва мен жараённи тезлаштиришни хоҳламадим.Саёҳат давомида ота ва қиз озиқ-овқат ҳамда сув масаласида муаммога дуч келмаган, тажрибали денгиз саёҳатчиси бўлган Алан олдиндан ҳар эҳтимолга қарши етарлича захирани ғамлаб қўйган эди. Шу туфайли ота-бола 2017 йил 10 январь куни Сиднейдан 230 километр узоқликда жойлашган Улладулла портига сузиб келишга муваффақ бўлди.Алан Лэнгдон
Лэнгдон қизи билан денгизда бўлган пайтда қизчанинг онаси Ариана Вайлер болалар реабилитацияси бўйича Австралиядан мутахассис ёллаган. Бу мутахассис ҳам йўқолган ота ва қизни излаган ва Лэнгдон Австралияга сузиб келишга қарор қилган бўлиши мумкин, деб тахмин қилган.
Аввалроқ Вайлер бу мутахассисни Лэнгдон ўз қизи билан бир йил давомида Янги Зеландиядаги қишлоқда яшагани учун ёллаган эди. Аёл ҳам Лэнгдон Австралияга йўл олиши мумкин, деб ҳисоблаган.
У денгизни билади, шамолни тушунади, унга бу нарсалар таниш. У жуда малакали инсон. Муаммоли вазиятлардан қандай чиқиб кетишни яхши билади.Йўқолган ота ва қизнинг Австралияга етиб келганлиги маълум бўлганда, Вайлер қидирув ишлари учун расмийларга миннатдорчилик билдирди. Бироқ аёл томонидан ёлланган болалар реабилитацияси бўйича мутахассис Лэнгдон Австралия ҳудудига ноқонуний равишда киргани учун суд олдида жавоб бериши кераклигини айтган. Икки мамлакат расмийлари вазиятни ўрганиб чиқиб, Лэнгдонга нисбатан айблов эълон қилиб ишни судга ошириш керак ёки йўқлигини ҳал қилишга ваъда берган.Ариана Вайлер, Кей Лэнгдоннинг онаси
Нельсонлик тажрибали яхтачи Алан Патти Лэнгдон ва қизининг катамарандаги саёҳати юзасидан изоҳ берган. Унинг қайд этишича, Лэнгдоннинг катамарани мустаҳкам материалдан ясалган ва Янги Зеландиядан Австралиягача сузиб келиши мумкин бўлган. Бироқ у Лэнгдоннинг саёҳатга ўзи билан ёш болани олганлигини маъқулламаган.
Айтишим мумкинки, об-ҳаво (саёҳат пайтида) ҳақиқатан ҳам ёмон бўлган, бироқ буни аниқ тасдиқлаб бўлмайди. Шубҳасиз, у профессионал денгизчи, бироқ ўзи билан олти ёшли болани олиб телбаларча иш тутган.Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.Алан Патти, яхтачи
Изоҳ (0)