Сеулда Жанубий Кореянинг БМТдаги элчиси ва тўрт йирик давлат — Россия, АҚШ, Хитой ва Япониянинг мамлакатдаги элчиларининг фавқулодда учрашуви бўлиб ўтади. Бу ҳақда «ТАСС» хабар бермоқда.
«Учрашувни Жанубий Корея ташқи сиёсий маҳкамаси раҳбари Юн Бён Се ўтказади. Унда мамлакат президенти вазифасини бажарувчи Хван Гё Ан ҳам иштирок этади. Бундай тадбир мураккаб ташқи сиёсий вазиятга муносабат билдириш зарурати туфайли илк бор ўтказилмоқда», — дейилади Жанубий Корея ТИВ хабарида.
Дипломатлар Корея ярим ороли ва Шимоли-шарқий Осиёнинг долзарб муаммоларини муҳокама қилиши кўзда тутилмоқда. Жумладан, АҚШ ва КХДР ўртасидаги таранглик, Жанубий Корея ва Хитой муносабатларининг мамлакатда THAAD тизими жойлаштирилиши режалари туфайли ёмонлашуви, Япониянинг Сеулдан элчисини чақириб олиши билан боғлиқ ҳолат кўриб чиқилиши режалаштирилган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)