Япониянинг турли ҳудудларида жорий қиш мавсумидаги энг кучли қор туфайли 7 киши ҳалок бўлди. Бу ҳақда «ТАСС» хабар бермоқда.
Ҳалок бўлганларнинг аксарияти йўлдаги фавқулодда ҳолатлар — автомобилларнинг йўл музлаганлиги ва кўриниш ёмонлашганлиги сабабли сув ҳавзалари, жарликларга қулаши қурбони бўлди. Кекса деҳқон қор оғирлиги туфайли қулаган иссиқхонаси бўлаклари остида қолиб кетди. Бир неча киши қор ва муздан тозалаётган чоғда томдан пастга тушиб кетди.
Хонсю оролидаги Хиого прекфектурасида 50 га яқин оила яшайдиган посёлка қор уюми туфайли ташқи дунёдан буткул узилиб қолди. Ҳозирда уларга ёрдам бериш учун полиция вертолётлари юборилмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)