Қирғизистон транспорт ва йўллар вазири Жамшидбек Калилов Boeing самолёти Бишкек аэропорти яқинига қулашининг дастлабки сабабини маълум қилди, деб ёзади «ТАСС». Унинг сўзларига кўра, Boeing 747 Манас аэропортининг қўниш йўлагига тўғри туша олмаган.
«Ҳозир ҳодиса жойида мутахассислар ишламоқда, ҳалокат сабабларини текшириш бўйича штаб ташкил қилинган. У йўлакка техник носозлик ёки об-ҳаво шароитлари туфайли туша олмаганини биз ҳозирча айта олмаймиз», — деди вазир.
Гонконгдан Истанбулга учаётган Turkish Airlines авиакомпаниясига тегишли Boeing 747 юк самолёти 16 январь, душанба куни Тошкент вақти билан 6:25 да Бишкек остонасидаги «Дача» қўрғонидаги уйлар устига қулаган.
Сўнгги маълумотларга кўра, ҳодиса оқибатида 35 киши ҳалок бўлган, 15 та уй вайрон бўлган, қурбонларнинг 4 нафари эса самолёт экипажи аъзоларидир.
Изоҳ (0)