Таиландда мамлакат ҳарбий-ҳаво кучларининг JAS 39 Gripen қирувчи самолёти миллий байрам — Болалар кунига бағишланган авиашоуда қулаб тушди. Учувчи ҳалок бўлди. Бу ҳақда Bangkok Post хабар бермоқда.
Ҳодиса 14 январь, шанба куни маҳаллий вақт билан 09:27 да Сонгкхла провинциясининг Хатъяй шаҳрида содир бўлди. Қулаш чоғи самолёт портлади ва тўлиқ ёниб кетди.
Маҳаллий аэропорт учиш-қўниш майдонини тозалаш учун вақтинча ёпиб қўйилди, барча ҳаво кемалари бошқа аэропортга йўналтирилди.
ҲҲК қўмондонлиги фавқулодда ҳолатни ўрганиш учун комиссия тузди. Таиланд бош вазири Прают Чан-Оча ҳалок бўлган учувчининг оиласига ҳамдардлик билдирди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)