АҚШ Миллий гвардиясининг пойтахт Вашингтондаги қўшинлари қўмондони генерал Эррол Шварц 20 январь куни тушки пайт ваколатларини зиммасидан соқит қилиш ҳақида буйруқ олди. Бу ҳақда «ТАСС» хабар бермоқда.
Буйруқда кўрсатилган пайт Вашингтонда сайланган президент Дональд Трампнинг инаугурация маросими бўлиб ўтади. Шварцнинг қўл остидагилар ва мамлакатнинг турли ҳудудларидан юбориладиган яна 5 минг гвардиячи мазкур тадбир хавфсизлигини таъминлашда иштирок этади.
«Аскарларимни кўчага кузатаман, бироқ уларни кутиб ололмайман. Белгиланган муддат ўта ғайриоддий. Бироқ мен президент томонидан тайинланадиган аскарман ва у мени ишдан бўшатишга ҳақли», — дея таъкидлади Шварц.
The Washington Post нашрига кўра, Шварцни лавозимига кичик Жорж Буш тайинлаган. Барак Обама президентликни эгаллагач, ўрнатилган тартибга биноан у икки бор истеъфога чиқиш истагини билдирди, бироқ икки ҳолатда ҳам унинг талаби қондирилмади. Трампнинг ўтиш маъмурияти истеъфони қабул қилган кўринади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)