Ўзбекистон миллий термаси бош мураббийи Самвел Бабаян жамоанинг 21–24 январь кунлари БААда бўлиб ўтадиган йиғинга жалб этилган фуболчилар исмини маълум қилди. Бу ҳақда ЎФФ матбуот хизмати хабар бермоқда.
Самвел Бабаян шогирдлари БААдаги йиғин доирасида 22 январь куни Дания U-23 термасига қарши, 23 январь куни эса Грузия терма жамоасига қарши ўртоқлик ўйинларини ўтказади.
Терма жамоа бош мураббийи БААдаги йиғинга қуйидаги футболчиларни жалб қилди.
Дарвозабонлар: Александр Лобанов («Пахтакор»), Муроджон Зуҳуров («Бунёдкор»), Игнатий Нестеров («Локомотив»).
Ҳимоячилар: Станислав Андреев («Пахтакор»), Александр Мерзляков («Бухоро»), Азим Аҳмедов («Пахтакор»), Рустам Ашурматов («Бунёдкор»), Бобур Йўлдошев («Локомотив»), Ислом Тўхтахўжаев («Локомотив»), Шуҳрат Муҳаммадиев («Локомотив»), Даврон Ҳошимов («Пахтакор»).
Ярим ҳимоячилар: Элдор Шомуродов («Бунёдкор»), Жалолиддин Машарипов («Пахтакор»), Отабек Шукуров («Бунёдкор»), Саламат Қуттибоев («Бухоро»), Жавоҳир Соҳибов («Пахтакор»), Сардор Мирзаев («Локомотив»), Сервер Жепаров («Локомотив»), Марат Бикмаев («Локомотив»), Жамшид Искандеров («Пахтакор»).
Ҳужумчилар: Темурхўжа Абдухолиқов («Локомотив»), Шоҳруз Норхонов («Обод»), Игорь Сергеев («Пахтакор»).
Қайд этиш жоиз, «Насаф» жамоаси ОЧЛ–2017 ўтиш босқичида Баҳрайннинг «Ал-Ҳидд» клубига қарши 31 январь куни баҳс олиб бориши ва унга тайёргарлик кўриши сабабли қаршиликлар таркибидан йиғинга футболчилар жалб этилмади.Бундан ташқари, бўлажак йиғин ФИФА кунларига тўғри келмаганлиги учун легионер футболчилар БААдаги ўқув-машғулотларига таклиф этилмади.
Маълумот ўрнида, Ўзбекистон миллий терма жамоаси 12 февраль куни Туркиянинг Анталия шаҳридаги ўқув-машғулотларида Арманистон терма жамоаси билан ўртоқлик учрашуви ўтказади.
Ўзбекистон терма жамоаси ЖЧ–2018 турнирига саралаш босчиқи «А» гуруҳи 5-туридан кейин 9 очко билан учинчи ўринда бормоқда. Эрон 11 очко билан биринчи, Жанубий Корея 10 очко билан иккинчи поғонада бормоқда.
Самвел Бабаян шогирдлари ЖЧ–2018 турнирига саралаш босчиқи 6-турини 23 март куни Сурия термасига қарши сафарда ўтказади. Учрашув қаерда бўлиб ўтишига ҳозирча аниқлик киритилмаган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)