Жаҳон антидопинг агентлиги — WADA’нинг собиқ раҳбари ва ХОҚ аъзоси Ричард Паунд 2018 йилда Россияда ўтказиладиган футбол бўйича жаҳон чемпионатида иштирок этишдан бир неча давлатлар бош тортган тақдирда нималар рўй беришига эътибор қаратди, деб хабар бермоқда «Sports.ru».
Аввалроқ 19 мамлакатнинг миллий антидопинг ташкилот (NADO)лари раҳбарлари Россияни барча халқаро мусобақалардан четлатиш ва уни халқаро турнирлар мезбонлигидан маҳрум қилишга чақирган эди.
Бундан ташқари, айнан допинг можароси сабаб бир қатор терма жамоаларнинг мусобақаларда қатнашишдан бош тортгани туфайли сўнгги бир ой ичида Россия бобслей бўйича жаҳон чемпионати мезбонлигидан, шунингдек, биатлон, от спорти ва чанғи пойгалари бўйича Жаҳон кубоги босқичларини қабул қилишдан маҳрум этилди.
Мусобақаларни ўтказиш, жумладан, 2018 йил Россияда бўладиган футбол бўйича жаҳон чемпионати ҳам ФИФАда ички доирада ҳал қилинадиган масаладир.Эслатиб ўтамиз, футбол бўйича жаҳон чемпионати Россияда 2018 йилнинг 14 июнида старт олиб 15 июлига қадар давом этади.Допинг билан боғлиқ ҳозирги муаммолар туфайли бир қатор мамлакатлар Россияда бўладиган чемпионатда иштирок этишдан бош тортиши мумкинлигини истисно қилиб бўлмайди, бу эса Россия мезбонликдан маҳрум этилиши эҳтимолининг ибтидоси бўлади. Мен ҳозирда ФИФАъда эмасман, шунинг учун бу борада аниқ гап айтишим қийин.
Ричард Паунд, WADA собиқ раҳбари
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)