O‘zbekiston milliy termasi bosh murabbiyi Samvel Babayan jamoaning 21–24-yanvar kunlari BAAda bo‘lib o‘tadigan yig‘inga jalb etilgan fubolchilar ismini ma’lum qildi. Bu haqda O‘FF matbuot xizmati xabar bermoqda.
Samvel Babayan shogirdlari BAAdagi yig‘in doirasida 22-yanvar kuni Daniya U-23 termasiga qarshi, 23-yanvar kuni esa Gruziya terma jamoasiga qarshi o‘rtoqlik o‘yinlarini o‘tkazadi.
Terma jamoa bosh murabbiyi BAAdagi yig‘inga quyidagi futbolchilarni jalb qildi.
Darvozabonlar: Aleksandr Lobanov (“Paxtakor”), Murodjon Zuhurov (“Bunyodkor”), Ignatiy Nesterov (“Lokomotiv”).
Himoyachilar: Stanislav Andreyev (“Paxtakor”), Aleksandr Merzlyakov (“Buxoro”), Azim Ahmedov (“Paxtakor”), Rustam Ashurmatov (“Bunyodkor”), Bobur Yo‘ldoshev (“Lokomotiv”), Islom To‘xtaxo‘jayev (“Lokomotiv”), Shuhrat Muhammadiyev (“Lokomotiv”), Davron Hoshimov (“Paxtakor”).
Yarim himoyachilar: Eldor Shomurodov (“Bunyodkor”), Jaloliddin Masharipov (“Paxtakor”), Otabek Shukurov (“Bunyodkor”), Salamat Quttiboyev (“Buxoro”), Javohir Sohibov (“Paxtakor”), Sardor Mirzayev (“Lokomotiv”), Server Jeparov (“Lokomotiv”), Marat Bikmayev (“Lokomotiv”), Jamshid Iskanderov (“Paxtakor”).
Hujumchilar: Temurxo‘ja Abduxoliqov (“Lokomotiv”), Shohruz Norxonov (“Obod”), Igor Sergeyev (“Paxtakor”).
Qayd etish joiz, “Nasaf” jamoasi OChL–2017 o‘tish bosqichida Bahraynning “Al-Hidd” klubiga qarshi 31-yanvar kuni bahs olib borishi va unga tayyorgarlik ko‘rishi sababli qarshiliklar tarkibidan yig‘inga futbolchilar jalb etilmadi.Bundan tashqari, bo‘lajak yig‘in FIFA kunlariga to‘g‘ri kelmaganligi uchun legioner futbolchilar BAAdagi o‘quv-mashg‘ulotlariga taklif etilmadi.
Ma’lumot o‘rnida, O‘zbekiston milliy terma jamoasi 12-fevral kuni Turkiyaning Antaliya shahridagi o‘quv-mashg‘ulotlarida Armaniston terma jamoasi bilan o‘rtoqlik uchrashuvi o‘tkazadi.
O‘zbekiston terma jamoasi JCh–2018 turniriga saralash boschiqi “A” guruhi 5-turidan keyin 9 ochko bilan uchinchi o‘rinda bormoqda. Eron 11 ochko bilan birinchi, Janubiy Koreya 10 ochko bilan ikkinchi pog‘onada bormoqda.
Samvel Babayan shogirdlari JCh–2018 turniriga saralash boschiqi 6-turini 23-mart kuni Suriya termasiga qarshi safarda o‘tkazadi. Uchrashuv qayerda bo‘lib o‘tishiga hozircha aniqlik kiritilmagan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)