«Вазним одамларни ўйлантираётганидан ҳайратдаман». Роналдо собиқ жамоадоши Майкл Оуэннинг ҳазилини оғир қабул қилди

Бразилиялик афсонавий ҳужумчи Роналдо собиқ жамоадоши Майкл Оуэннинг ҳазилига изоҳ бериб ўтди, деб хабар бермоқда «Sports.ru».

Майкл Оуэн ўз Twitter-саҳифасида: «Қадрдон дўстим Роналдони кўрмагунимча, мен анчагина вазн йиғдим, деб ўйлган эдим», — деб ёзиб, собиқ жамоадоши билан дўстона ҳазиллашган эди.

Бироқ унинг бу ҳазилини дўсти тушунмади.

Вазним борасида бўлаётган муносабатлардан ҳайратдаман. Тўғрисини айтсам, одамларга тушунмайман, бу шунчалик муҳимми?

Роналдо, собиқ футболчи

Бундай ҳазилларни ёқтирмайман. Роналдо — менинг энг яқин дўстим, бундай ҳазилларда кўпроқ эҳтиёткор бўлган маъқул. Роналдонинг вазни эмас, унинг қандай қалб эгаси эканлиги муҳим. У жуда ҳам меҳрибон инсон.

Роберто Карлос, собиқ футболчи, мураббий

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.