Номаълум кимсалар Россиянинг Свердловск вилоятидаги касод бўлган Красноуральск кимё заводига ҳужум уюштирди. Корхонанинг уч нафар қўриқчиси касалхонага ётқизилди. Бу ҳақда «ТАСС» хабар бермоқда.
«Красноуральск кимё заводи қўриқчиларига ҳужум уюштирилди, уларда турли, жумладан, ўқотар қуролдан олинган жароҳатлар қайд этилди. Корхонани қўриқлаётган кишиларда қурол бўлмаган. Улар завод ҳудудига номаълум шахслар кирганини пайқаб, уларни қўлга олишга ҳаракат қилган, бироқ бунга жавобан қурол қўлланган. Ҳозир уларнинг учаласи ҳам касалхонада, шифокорлар назорати остида. Полиция ходимлари мазкур жиноятни очишга ҳаракат қилмоқда», — дея таъкидлади вилоят ИИВ матбуот хизмати раҳбари Валерий Горелих.
Олдинлари Красноуральск кимё заводи портловчи моддалар ишлаб чиқарган. Ҳозирда фаолият кўрсатмаётган корхонада 300 тоннадан ошиқ хавфли моддлар йўқ қилинганди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)