Хитойнинг Ерни зондлайдиган «Гаоцзин-1» сунъий йўлдошлари илк тасвирларни узатди

Хитойнинг Ерни масофадан туриб зондлайдиган «Гаоцзин-1» юқори таъсирчан йўлдошлари илк тасвирларни узатди, деб ёзади «ТАСС».

Йўлдошлар 0,5 метр ҳажмли тасвирларни узатган. «Синьхуа» агентлиги таъкидлашича, «Гаоцзин-1» йўлдошлари яқин орада биринчи марта тижорий мижозларга хизматлар кўрсатишни бошлайди.

Иккита «Гаоцзин-1» сунъий йўлдоши Хитойнинг Шаньси провинциясидаги Тайюань космодромидан 28 декабрь куни учирилган эди. Сунъий йўлдошлар Ер юзасини кузатиш ва илмий экспериментлар ўтказиш учун қўлланилади. Қурилмалар тижорат асосида ишлатилади. Сунъий йўлдошлар «Буюк сафар-2D» («Чанчжэн-2D») элтувчи ракетаси ёрдамида учирилди.

2017 йилда «Гаоцзин-1» сунъий йўлдошлари гуруҳи яна иккита қурилмага кўпайиши кутилмоқда.