Литвалик журналистлар Швециянинг SEB банки маҳаллий бўлинмасида Украина собиқ бош вазири Павел Лазаренкога тегишли 30 миллион доллар музлатиб қўйилган ҳисоб рақами мавжудлигини аниқлади. Бу ҳақда «15min.lt» хабар бермоқда.
Нашрга кўра, 17 йил давомида Литва судлари ҳар бир неча ой давомида мазкур маблағ музлатилиши муддатини узайтириб келмоқда. Текширув ўтказган журналистлар ушбу сумма 2004 йилда Лазаренконинг бир неча мамлакатлардаги ҳисоб рақамларида музлатилган 200—250 миллион доллар маблағининг бир қисми деб ҳисобламоқда.
Литвада аниқланган ҳисоб рақами собиқ бош вазирнинг тугатилган European Federal Credit Bank банкига тегишли эканлиги таъкидланмоқда. SEB мижозлари ҳақидаги маълумотни ошкор этишдан бош тортди, бироқ ҳуқуқ-тартибот идоралари билан ҳамкорлик қилинаётганини билдирди.
1996—1997 йилларда Украина ҳукумати раҳбари бўлган Лазаренко ўз ватанида жиноий жавобгарликка тортилишидан хавфсирагани учун ҳозирги кунда АҚШда истиқомат қилади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)