Қозоннинг Ново-Савиновский ва Авиастроительний туманлари ҳарбий комиссарлиги Сурияда 2016 йил ёзида ҳарбий хизматчи ҳалок бўлганини тасдиқлади. Бу ҳақда «РБК» хабар берди.
Артиллериячи капитан Марат Ахметшин 2016 йил августида дафн этилган. У Сурия операцияси чоғида ўлдирилган камида 24-россиялик ҳарбий бўлди.
Марҳум офицерга вафотидан кейин Россия Қаҳрамони унвони берилди. Ново-Савиновский туманидаги мактаб унинг номи билан аталди.
Ахметшин ҳақида маълумот пайдо бўлишидан аввал, полковник Руслан Галиций сўнгги ҳалок бўлган ҳарбий ҳисобланарди. У Суриядаги россиялик ҳарбий маслаҳатчилар гуруҳи таркибида топшириқларни бажарган.
Изоҳ (0)