Mercedes-Benz компанияси янгиланган GLA кроссоверининг илк суратини намойиш этди. «Мотор» нашрининг ёзишича, автомобиль 9 январь куни Детройт автосалони доирасида дебют қилади.
Рестайлингдан сўнг йўлтанламаснинг радиатор панжараси, чироқлари ва олд бампери ўзгаради. Автомобилдаги бошқа ўзгаришлар (интерьер, моторлар гаммаси) ҳақида ҳозирча ахборот йўқ.
2016 йил ёзида Mercedes-Benz янги моделларни ишлаб чиқиш режалари кўрсатилган ҳужжатни эълон қилган. Унда Mercedes 2017 йил давомида янгиланган S-класс седани, E-класс кабриолети, шунингдек, GLA’нинг купесимон версиясини чиқариши билдирилган эди.
Кейинроқ Mercedes-Benz бошқа ҳужжатни эълон қилди — унда GLA Coupe’нинг ўрнига янгиланган GLA кўрсатилган эди. Ўшандаёқ немис автоконцернининг купесимон кроссовери 2019 йилда дебют қилиши ҳақида ахборот берилган эди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)