Matiz ҳайдаб, Андижон шаҳрида таксичилик қилувчи ҳайдовчининг Damas ҳайдовчиларига қаратилган мурожаати сурати ўзбекистонлик автоҳаваскорларнинг Facebook’даги гуруҳларида фаол муҳокама қилинган мавзулардан бирига айланди.
Андижон шаҳрида олинган ва Facebook’даги «Водители Ташкента» гуруҳида эълон қилинган қисқа мурожаатда шундай дейилади: «Damas’чи! Унутма, сени уйда оиланг кутади!».
Бир гуруҳ фойдаланувчилар нафақат Damas ҳайдовчиларини, балки йўлда юрган бошқа ҳайдовчиларни ҳам уйда оиласи кутаётганини ёзган. «Нима, бу Matiz ҳайдовчисини уйда ҳеч ким кутмаяптими?», — деб савол ташлаган гуруҳ аъзоларидан бири.
Айни вақтда, гуруҳнинг андижонлик аъзолари шаҳарда Damas’лар сони Matiz’дан кўпроқ экани ва Damas ҳайдовчилари йўлларда анча хавфли ва тартибсиз ҳаракат қилиши ҳақида ёзиб, тушунтириш берган.
«Энг бетартиб ҳайдовчилар — бу Damas ҳайдовчиларидир!», — деб ёзади фойдаланувчилардан бири. «Одам эмас, худди ўтин олиб кетаётгандек ҳайдайди бу Damas’чилар!», — деб арз қилган бошқа бир фойдаланувчи.
Андижон манзаралари: 90 фоизга Damas’лардан иборат тирбандлик
Андижон манзаралари: Шаҳар кўчаларидаги байрамолди тирбандликлар
Изоҳ (0)