Тошкентда 5 январь, пайшанба куни бир қатор йўл-транспорт ҳодисалари кузатилди. Ҳодисалар ҳақида Facebook’даги «Водители Ташкента (Drivers.uz)» гуруҳида фотохабарлар қолдирилган.
Хабар беришларича, Тошкентнинг Мирзо Улуғбек туманида «КамАЗ» ва Malibu иштирокида авария юз берган. Тўқнашув натижасида жабрланганлар ҳақида ахборот йўқ.
Суратларда Malibu’га жиддий зарар етганини кўриш мумкин. ЙТҲ қандай юз бергани ҳақида батафсил ахборот берилмаган.
Худди шу куни Тошкентнинг Ўрикзор даҳасида Тошкент ҳалқа автомобиль йўли бўйлаб ҳаракатланаётган «Жигули» автомобили қарама-қарши қатнов қисмидан ажратиб турувчи паст бўлмаган бетон тўсиқ устига чиқиб кетган.
Ҳодиса қандай юз бергани ҳақида аниқ ахборот йўқ: баъзилар ҳайдовчи бирдан йўлда пайдо бўлган пиёдани уриб юбормаслик учун рулни ўнгга бурганини, бошқалар эса «Жигули»ни бошқа бир машина қасддан «бурчакка қамаб кетгани» ҳақида ёзган.
Жабрланувчилар ҳақида маълумот берилмаган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)