Лондоннинг «Челси» жамоасида 10 йил тўп сурган нигериялик ярим ҳимоячи Жон Оби Микел Хитойнинг «Тяньцзинь Тэда» клуби аъзосига айланди, деб хабар бермоқда Daily Mail.
Хитой клуби 29 ёшли футболчини текинга қўлга киритди, унинг ўзи билан эса ҳафталик маоши 140 минг фунтга тенг 3 йиллик шартнома имзолади. Ярим ҳимоячи янги клуб сафида 5 январь, пайшанба куни тиббий кўрикдан ўтгани таъкидланмоқда.
Оби Микел «Челси»нинг янги бош мураббийи Антонио Конте ишончини қозона олмагани учун асосий таркибдаги жойини йўқотган эди.
Ушбу мавсумда ўзим истагандек етарлича ўйин амалиётига эга бўлмадим. 29 ёшдаман ва бир неча йил давомида тўп суришни хоҳлайман. Шу сабабли янги чақирувларга тайёр эканимни сездим. «Тяньцзинь Тэда» аъзосига айланганимдан хурсандман ва клубнинг муваффақиятига ўз ҳиссамни қўшишга ҳаракат қиламан. Жаноб Абрамович, клуб ходимлари, мураббийлари, «Челси»даги барчага раҳмат айтаман ва хайр деб қоламанҚайд этиш керакки, бир неча кун аввал «Челси»нинг бошқа бир аъзоси – бразилиялик Оскар Хитойнинг «Шанхай СИПГ» клубига ўтганди. Лондон клуби Оскарнинг трансферидан 60 миллион фунт даромад кўрган эди. «Шанхай СИПГ», шунингдек, Ўзбекистон терма жамоаси сардори Одил Аҳмедовни ўз таркибига қўшиб олди.
Маълумот ўрнида, Жон Оби Микел 2006 йилнинг зида Норвегиянинг «Лин Осло» клубидан 17 миллион фунт эвазига «Челси»га келиб қўшилганди. 29 ёшли футболчи «Челси» таркибида 372 ўйинда майдонга тушиб, 6 та голга муаллифлик қилган.
Лондон клубидаги фаолияти давомида у бир мартадан ЕЧЛ (2011/12) ва Европа Лигаси (2012/13) ғолиби, икки карра Англия чемпиони (2010, 2015), тўрт карра Англия Кубоги (2007, 2009, 2010, 2012) ҳамда икки бора Англия Лига Кубоги (2007, 2015) соҳиби бўлган.
Нигерия олимпия терма жамоаси сафида эса Оби Микел Рио–2016 Олимпиадасининг бронза медалига сазовор бўлганди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)