Актёр, режиссёр ва продюсер Ёқуб Аҳмедов Instagram’даги саҳифасида укалари билан тушган суратни эълон қилди.
Суратда, Ёқуб Аҳмедовнинг икки футболчи укаси — яқинда Хитойнинг «Шанхай SIPG» жамоасига ўтган Одил Аҳмедов ва «Пахтакор» ярим ҳимоячиси ҳисобланган Азим Аҳмедовни кўриш мумкин.
Биз, ака-укаларнинг 2001 йилдан бери анъанавий тушадиган фотосуратимиз. 2016 йилгача давом этиб келяпти, бундай анъанамиз абадий давом этишини Яратгандан сўраб қоламиз.Ёқуб Аҳмедов, актёр, режиссёр ва продюсер
Бундан аввалроқ Ёқуб Аҳмедов укаси Одил Аҳмедовнинг Хитой клубига ўтгани ҳақидаги хабарлар мухлислар турлича муносабат билдираётгани муносабати билан, Instagram’даги саҳифасида қисқача хабар қолдирган эди.
Қаерда ўйнашингдан қатъи назар, соғ-саломат юрсанг бўлди. Биламан, айрим мухлислар ҳар хил хаёлларга бораяпти, лекин улар фаолиятинг қанчалик машаққатли эканини тасаввур ҳам қила олмайди.Ёқуб Аҳмедов, актёр, режиссёр ва продюсер
Маълумот учун, 2016 йилнинг 30-декабрь куни Одил Аҳмедов Россиянинг «Краснодар» клубидан Хитойнинг «Шанхай SIPG» жамоасига ўтгани маълум бўлди.
Футболчи профессионал фаолиятини Тошкентнинг «Пахтакор» жамоасида бошлаган бўлиб, 2011 йили Россиянинг «Анжи» клубига ўтган, 2014 йилдан «Краснодар»да ўйнаб келаётган эди.
«Kino-teatr.ru» лойиҳаси маълумотларига кўра, Ёқуб Аҳмедов кинодаги фаолиятини 2012 йили бошлаган. У «Ўгай она» (2012), «Сенсиз», «Турист» (2013), «Тўқликка шўхлик 2» (2015) фильмларида суратга тушган.
Айни вақтда, «Турист» фильмига режиссёрлик, «Сенсиз» ва «Ўгай она» картиналарига продюсерлик қилган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)